Back Japannese Grand Prix Afrikaans جائزة اليابان الكبرى Arabic Gran Premiu de Xapón AST Гран-пры Японіі BE-X-OLD Голяма награда на Япония Bulgarian Velika nagrada Japana BS Gran Premi del Japó Catalan Grand Prix Japonska Czech Japans Grand Prix Danish Großer Preis von Japan German
Priz Bras Japan (e japaneg : 日本グランプリ; romanekaet : Nihon-guranpuri) zo ur redadeg-kirri eus Kevezadeg bed ar Formulenn 1. Alies mat e oa bet redadeg ziwezhañ ar bloaz hag alies e veze gounezet an titl (13 gwezh) eno a-raok ma voe lakaet Prizioù Bras ouzhpenn diwezhat er bloaz. Betek 1999 e oa Japan ar vro nemeti en Azia o tegemer ur redadeg Formulenn 1 er gevezadeg a-raok ma voe ebarzhet Priz Bras Malaysia.
An div redadeg Formulenn 1 a voe dalc'het e 1976 ha 1977 e Speedway Fuji met tennet e voe diouzh an deiziadur abalamour d'an diaesterioù aozañ. Distreiñ a reas Priz Bras Japan er gevezadeg e 1987 e Troiad Suzuka, un troiad a dapas ar vrud da vezañ start. E 2007 ha 2008 e tistroas ar Formulenn 1 da Fuji. Distreiñ a reas ar gevezadeg da Suzuka da c'houde. Nullet e voe ar redadeg e 2020 ha 2021 abalamour d'ar bedreuziad COVID-19.